इलामका तीन बिरामीलाई सूर्योदय सेवा समाज दक्षिण कोरियाद्वारा सहयोग

0
83


इलाम, जेठ १ । इलामका तीनजना बिरामीलाई इलाम सूर्योदय सेवा समाज दक्षिण कोरियाले आर्थिक सहयोग गरेको छ ।

इलामबाट रोजगारीका लागि दक्षिण कोरिया पुगेकाहरुको समूहले चार लाख रुपैयाँ रकम सहयोग गरेको हो ।

इलाम नगरपालिका–४ का ब्लड क्यान्सरपीडित रितिक घिमिरेलाई ३ लाख १० हजार, इलाम नगरपालिका–५, बरबोटेकी हात आगोले पोलेर उपचाररत् निरु राईलाई ६२ हजार तथा सन्दकपुर गाउँपालिक सुलुबुङककी मुटुरोगी निसानी साउदेनलाई ३० हजार रुपैयाँ सहयोग गरिएको हो ।

मंगलबार इलाम सदरमुकाममा आयोजित एक कार्यक्रममा समाजले उक्त सहयोग रकम बिरामीका परिवारहरुलाई हस्तान्तरण गरेको हो ।